25 iyun 2012 21:36
Çili yığmasının üzvü Neftçi ilə müqavilə imzaladı (FOTO)
“Neftçi”nin yeni transfer Nikolas Kanales paytaxt klubunun düşərgəsinə gəlib. Azerisport.az xəbər verir ki, Azərbaycan çempionu ilə razılığa gələn Çili yığmasının üzvü rəsmi müqaviləyə də imza atıb. Onunla 1+2 şərti ilə müqavilə imzalanıb.
Qeyd edək ki, Kanales 2004-2005 mövsümündə “Universidad de Çili”də (16 oyun, 1 qol) çıxış edib və 2005-ci ildə Portuqaliyanın ən köklü klublarından olan olan “Benfika”ya transfer olunub. Lakin bu klubun əsas heyətində debüt etmək ona nəsib olmayıb və 2007-ci ilə qədər yalnız əvəzedici komandada çıxış edə bilib – 13 oyun, 5 qol. 2006-2007 mövsümündə Portuqaliyanın “Qondomar” klubuna icarəyə verilən (9 oyun, 5 qol) Kanales 2007-də Rumıniyanın ÇFR klubuna transfer olunub. Amma 3 ildə bu komandada 1 oyun keçirib və 2008-də Çilinin “Union Espanola” (18 oyun, 3 qol), 2009-da “Kobresal” (23 oyun, 13 qol) klublarına icarəyə verilib. 2010-cu ildə Çilinin “Palestino” klubuna keçən Nikolas indiyədək 61 oyunda 32 qol vurub.
Çili U-20-də 13 oyun keçirib 6 qol vuran futbolçunun “Palestino”dakı parlaq çıxışı əsas yığmanın baş məşqçisi Klaudio Borqyonun da diqqətini çəkib. Baş məşqçi bu il Kanalesi ilk dəfə milli komandaya çağırıb.
