25 iyun 2012 22:12
Simurq Türkiyədə legioner futbolçuları sınayır (FOTO)
Növbəti mövsümə hazırlıqları davam etdirən “Simurq” təlim-məşq toplanışının ikinci mərhələsinə start verib. Azerisport.az xəbər veirr ki, iyunun 23-də səhər saatlarında Türkiyəyə yollanan komanda İzmit şəhərinin Kartepe qəsəbəsində yerləşən “Green Park” hotelində məskunlaşıb.
Bir günlük istirahətdən sonra hazırlıqlara başlayan Georgi Çixradzenin yetirmələri gündə iki dəfə olmaqla məşqləri davam etdirir. Məşqçilər korpusunun əsasən fiziki ağırlıqlı tapşırıqlarını yerinə yetirən komanda iyulun 6-da vətənə dönəcək.
“Simurq”un düşərgəsinə artıq dörd yeni legioner futbolçu qoşulub. Bunlar Mozambik yığmasının üzvləri müdafiəçi Joao Euriko Martins Aguair, hüçumçu Sonito, serbiyalı yarımmüdafiəçi Novkovic və makedoniyalı hücuma meylli yarımmüdafiəçi Vasko Miterevdi. Onlar komanda ilə birlikdə gündəlik məşqlərə çıxır. Baxışda olan bu futbolçular haqqında son qərarı baş məşqçi Georgi Çixradze verəcək.
