26 iyun 2012 02:15
Mura Bakı ilə ilk oyunu evdə keçirməyə razıdı
Sloveniyanın “Mura” klubu “Bakı” ilə Avropa Liqasının birinci təsnifat mərhələsinin ilk oyununu evdə keçirmək istəyir. Azerisport.az xəbər verir ki, Avroliqanın ötən gün baş tutan püşkatmasının nəticəsinə görə, “zolaqlılar” ilk oyunu Bakıda, cavab görüşünü isə səfərdə keçirməlidilər.
Lakin “Bakı” ilk oyunu səfərdə keçirməkdə maraqlıdı. Çünki hazırda onsuz da Sloveniyada təlim-məşq toplanışında olan paytaxt klubu hazırlıqlarını elə ilk oyun gününə - iyulun 5-nə kimi bu ölkədə davam etdirmək, həmin gün isə 10 km aralıda yerləşən arenada “Mura”nın qonağı olmaq istəyir. Məhz ondan sonra Sloveniya toplanışını bitirib vətənə qayıtmağı planlaşdıran “Bakı” rəhbərliyi bu istəyini qarşı tərəfin də diqqətinə çatdırıb. Sloveniyalılar isə deyəsən bu təklifin əleyhinə deyillər. Hər halda “Mura”nın idman direktoru İqor Çeleç bəyan edib ki, komandası ilk oyunu Sloveniyada keçirməyin əleyhinə deyil:
“Biz ilk oyunu evdə keçirmək istərdik. Özü də Azərbaycanın bütün təmsilçiləri ilk oyunlarını evdə keçirməlidilər. İki klubun ev oyunlarını keçirdiyi məkan isə eynidi. Fikrimcə, bu mərhələni keçəcək gücdəyik. Rəqibimizə hörmətlə yanaşırıq. “Bakı” bu günlərdə keçirdiyimiz yoxlama oyununda da sübut etdi ki, güclü komandadı”.
“Biz ilk oyunu evdə keçirmək istərdik. Özü də Azərbaycanın bütün təmsilçiləri ilk oyunlarını evdə keçirməlidilər. İki klubun ev oyunlarını keçirdiyi məkan isə eynidi. Fikrimcə, bu mərhələni keçəcək gücdəyik. Rəqibimizə hörmətlə yanaşırıq. “Bakı” bu günlərdə keçirdiyimiz yoxlama oyununda da sübut etdi ki, güclü komandadı”.
Xatırladaq ki, həmin oyunda “Bakı” “Mura”nı 4 cavabsız qolla yenmişdi. Təsadüfən Avroliqada da bu klublar yenidən bir-birinə rəqib oldular.
Onu da qeyd edək ki, artıq UEFA bütün klublarımızın ilk oyunlarını evdə keçirməsinin qarşısını almaq üçün “İnter”in Estoniya “Trans”ı ilə birinci görüşünü səfərə keçirib. “Bakı”nın ilk oyunu səfərdə keçirmək istəyinin nə dərəcədə reallaşacağını isə zaman göstərəcək.
