26 iyun 2012 15:00
Bakı Avropa Liqası üçün yekun heyətini UEFA-ya göndərdi
Azərbaycan kubokunun qalibi “Bakı” Avropa Liqasının birinci təsnifat mərhələsinin oyunları üçün iştirak ərizəsini UEFA-ya göndərib. Azerisport.az xəbər verir ki, paytaxt klubunun yekun iştirak ərizəsində 25 futbolçunun adı var.
Siyahıda yay transfer pəncərəsi dövründə alınan yeni futbolçulardan hamısının adına rast gəlmək olur. Bunlar Ramazan Abbasov, Əziz Quliyev, Edemir Rodriqes və Georgi Popxadzedi.
“Bakı”nın bu siyahıya hətta oyuna bir gün qalmışadək daha bir futbolçu əlavə etmək imkan var. “Zolaqlılar”ın transfer bazarındakı planları baş tutsa, siyahının daha da genişlənməsi istisna deyil.
Qeyd edək ki, “Bakı” Avroliqanın birinci təsnifat mərhələsində Sloveniya “Mura”sı ilə qarşılaşacaq. İlk oyun iyulun 5-də Bakıda, cavab görüşü isə ayın 12-də Sloveniyada keçiriləcək. Lakin tərəflər qarşılıqlı razılıq əsasında oyunların keçirilmə yerlərini dəyişməyi düşünürlər.
“Bakı”nın iştirak ərizəsinə adları salınan futbolçuların siyahısı isə belədi:
Elxan Məmmədov, Aqil Məmmədov, Ramazan Abbasov, Elvin Əliyev, Duje Bakoviç, Deyvidas Çesnauski, Əziz Quliyev, Lukas Mario Horvat, Denis İvanov, İbrahim Karqbo, Nenad Kovaçeviç, Cəmşid Məhərrəmov, Elvin Məmmədov, Novruz Məmmədov, Uinston Parks, Georgi Popxadze, Edemir Rodriqes, Aleksandr Şoliç, Maris Verpakovski, Jununyo, Namiq Ələsgərov, Şəhriyar Əliyev, Rəhman Hacıyev, Elşad Manafov, Nurlan Novruzov.
