26 iyun 2012 15:45
İnterin də Avroliqa heyəti açıqlandı
Avropa Liqasında ölkəmizi təmsil edəcək “İnter” Estoniyanın “Trans” klubu ilə oyunlar üçün iştirak ərizəsini UEFA-ya göndərib. Azerisport.az xəbər verir ki, paytaxt klubu iştirak ərizəsinə 21 futbolçunun adını daxil edib.
Bunlardan 3-ü qapıçı, 5-i müdafiəçi, 8-i yarımmüdafiəçi, 5-i hücumçudu. Yeni transferlər – Brüs Abdulaye, Tales Şütz, Ramil Həşimzadə, Slavço Georgievski, Georgi Adamiya, Elşən Poladov, Revaz Tevdoradze, Ruslan Əmircanovla yanaşı, “Simurq”la icarə müqaviləsi başa çatan Daniel Genovun da adı siyahıya salınıb. “İnter” oyuna bir gün qalmışadək siyahıya daha bir futbolçunun adını əlavə edə bilər.
Qeyd edək ki, “İnter” və “Trans” arasında ilk oyun iyunun 10-da Estoniyada, cavab matçı bir həftə sonra Bakıda keçiriləcək.
Qapıçılar: Giorgi Lomaya, Elşən Poladov, Revaz Tevdoradze;
Müdafiəçilər: Brüs Abdulaye, Valeri Abramidze, Ruslan Əmircanov, İlia Kandelaki, Volodimir Levin;
Yarımmüdafiəçilər: Arif Daşdəmirov, Daniel Genov, Nizami Hacıyev, Slavço Georgiyevski, Ramil Həşimzadə, Asif Məmmədov, Asif Mirili, İbrahima Niasse;
Hücumçular: George Adamiya, Tales Şütz, Baçana Sxadadze, Samir Zərgərov, Petar Zlatinov.
Baş məşqçi: Kaxaber Sxadadze.
