27 iyun 2012 01:26
Polşada Xəzər Lənkəranın himnini yada saldılar
Polşa mətbuatı Avropa Liqasının birinci və ikinci təsnifat mərhələsinin püşkatmasını dəyərləndirib. Azerisport.az xəbər verir ki, onlar yerli “Lech” komandasından danışarkən, “Xəzər Lənkəran”ı da xatırlayıblar.
Qeyd edək ki, “Lech” birinci təsnifat mərhələsində Qazaxıstanın “Ordabası” klubu ilə qarşılaşacaq. Mərhələ adlayacağı halda isə, Poznan klubu “Xəzər Lənkəran” – “Nomme Kalju” (Estoniya) cütünün qalibi ilə qarşılaşmaq hüququ qazanacaq.
Polyaklar potensial rəqiblərdən danışarkən “Lech”in artıq iki dəfə Azərbaycan klubları ilə mübarizə aparmasını yada salıblar. Bu komanda 2008-ci ildə məhz “Xəzər Lənkəran”ı, 2010-cu ildə isə “İnrer”i mübarizədən kənarlaşdırmışdı. Futbolla yanaşı polşalı həmkarlarımız daha bir maraqlı fakta toxunublar. Belə ki, onlar Lənkəran komandasının himnini yada salaraq, onun kifayət qədər dinamik olduğunu vurğulayıblar.
