27 iyun 2012 14:52
Qarabağ Bakının oyunçusu ilə müqavilə bağlamaq istəyir
Növbəti mövsümə hazırlıqlarını davam etdirən “Qarabağ” heyətini gücləndirməyi də unutmur. Azerisport.az xəbər verir ki, Ağdam klubu artıq “İnter”dən yarımmüdafiəçi Elnur Abdulovu, Almaniyanın “Köln” klubundan isə qapıçı Mira Varvodiçi sıralarına qatıb.
Qurban Qurbanovun komandası indi də müdafiəçi almağa hazırlaşır. “Qarabağ” bu boşluğu “Bakı”ya məxsus Hacı Əhmədovla doldurmağa çalışır. Ağdam klubu gənc müdafiəçi ilə iki illik müqavilə bağlamaq istəyir. Hazırda davam edən danışıqların tezliklə müsbət yekunlaşması gözlənilir.
Qeyd edək ki, Hacı Əhmədov müqavilə ilə “Bakı”ya məxsusdu. Lakin 1993-cü il təvəllüdlü futbolçu son mövsümü icarə əsasında “Sumqayıt”da keçirib.
