27 iyun 2012 16:18
Simurqda daha iki yeni futbolçu
Türkiyənin Kocaeli şəhərinin inzibati vahidliyinə aid Kartəpə qəsəbəsində məskunlaşan "Simurq" Peşəkar Futbol Klubu növbəti mövsümə hazırlıqları davam etdirir. Azerisport.az xəbər verir ki, gündə iki dəfə olmaqla məşq edən komanda əsasən fiziki hazırlıqlı tapşırıqlar üzərində işləyir.
Baş məşqçi Georgi Çixradze futbolçularının fiziki durumunun yüksəltməklə yanaşı, baxışda olan yerli və legioner futbolçularıda nəzərdən keçirir.
Xəbər verdiyimiz kimi "Simurq" buradakı təlim-məşq prosesi çərçivəsində 3 yoldaşlıq görüşü keçirdəcək. Artıq sarı-qaraların iki rəqibi məlumdur. Zaqatala təmsilçisi iyunun 29-da "Kocaelispor"la, iyulun 2-də isə "Spartak-Nalçik”lə qarşılaşacaq.
Qeyd edək ki, komandanın düşərgəsinə baxış üçün daha 2 yeni legioner futbolçu qatılıb. Bunlar macarıstanlı müdafiəçi Kratsl Karol və albaniyalı hücumçu Vilfor Xisadı. Futbolçularla bağlı son qərarı yoldaşlıq görüşlərindən sonra baş məşqçi Georgi Çixradze verəcək.
