27 iyun 2012 11:17
“Neftçi varlı klubdu, amma futbolda pul hər şeyi həll etmir”
Gürcüstan çempionu “Zestafoni”nin baş məşqçisi Georgi Çiaberaşvili klubun rəsmi saytına müsahibəsində UEFA Çempionlar Liqasındakı rəqibləri – “Neftçi” barədə danışıb, şanslarını dəyərləndirib. Azerisport.az həmin müsahibə ilə sizi də tanış edir.
- Prinsipcə, biz keçmiş SSRİ ölkələrinin təmsilçiləri ilə qarşılaşmaq istəmirdik. Lakin püşkatma belə gətirdi. Buna görə də heç nə edə bilmərik. Ümid edirəm ki, “Zestafoni” növbəti mərhələyə adlayacaq. Bizim hədəfimiz Çempionlar Liqasının qrup mərhələsinə vəsiqə qazanmaqdı. Çünki belədə öz gücümüzü Avropanın daha güclü klubları ilə görüşlərdə sınamaq imkanı əldə edəcəyik.
- Azərbaycan çempionu püşkün nəticəsindən razı qalıb...
- Bu, onların fikridi. Rəqib komanda nə qədər yaxşı köklənə bilmirsə, bir o qədər məğlub olmaq şansı çox olur. Rəqibi nə qədər qiymətləndirmirsənsə, sənin məğlub olmaq təhlükən də artıq olur. Biz isə bilirik ki, bəxtimizə o qədər də yaxşı rəqib düşməyib. Lakin bu səddi keçməliyik.
- İlk oyunun səfərdə keçirilməsi nə dərəcədə yaxşı variantdı?
- Son illərdə biz ənənəvi olaraq evdə daha yaxşı oynayırıq. Məsələn, elə ötən mövsümü götürək. O vaxt biz Rumıniya “Dacia”sını evdə 3:0 məğlub etdik. Ona görə də mən mübarizəyə elə səfərdə başlamağı daha yaxşı variant hesab edirəm.
- Son illərdə biz ənənəvi olaraq evdə daha yaxşı oynayırıq. Məsələn, elə ötən mövsümü götürək. O vaxt biz Rumıniya “Dacia”sını evdə 3:0 məğlub etdik. Ona görə də mən mübarizəyə elə səfərdə başlamağı daha yaxşı variant hesab edirəm.
- Yəqin ki, rəqib komanda haqqımızda informasiya toplamağa başlayıb...
- Əlbəttə. Lakin eyni zamanda biz də onları öyrənməyə çalışırıq. Bilirik ki, “Neftçi” varlı klubdu. Öz oyunçularına yaxşı pul verir, 1-1,5 milyonluq futbolçular alır. Lakin futbolda pul hər şeyi həll etmir. Eyni zamanda bizim komandada da Azərbaycan çempionatında çıxış etmiş futbolçular var. Məsələn, Mamaladze, Qonqadze, Aptsiaurinin Azərbaycan təcrübəsi var.
- Oyunçuların püşkün nəticəsinə reaksiyaları necə oldu?
- Onlar istənilən rəqiblə oyuna hazırdılar. Çalışacağam ki, onların ən yaxşı keyfiyyətlərini “Neftçi” ilə oyuna açım.
- “Zestafoni”nin şanslarını necə dəyərləndirirsiz?
- Əllinin əlliyə.
- Əllinin əlliyə.
