28 iyun 2012 22:50
Bakı Slovakiya klubu ilə sülh bağladı (YENİLƏNİB)
Sloveniyada təlim-məşq toplanışını davam etdirən "Bakı" bu gün ölkə xaricindəki dördüncü yoldaşlıq oyununa çıxıb. Azerisport.az xəbər verir ki, ölkəmizi Avropa Liqasında təmsil edəcək “zolaqlılar”ın bu dəfəki rəqibi Slovakiya yüksək liqa təmsilçisi "Seniça" klubu olub.
Qarşılaşma "Bakı" üçün yaxşı başlamayıb. Lakin erkən qol buraxan "zolaqlılar" fasilədən sonra məğlubiyyətdən yaxa qurtara biliblər.
Qeyd edək ki, Novruz Əzimov yetirmələrini bundan öncə Xorvatiya “Osijek”i ilə oyunda sınamışdı. Həmin qarşılaşma heç-heçə bitmişdi – 1:1. Daha sonra isə “zolaqlılar” Sloveniya təmsilçisi “Mura”ya 4 cavabsız qolla qalib gəlmişdilər. Hansı ki, bu komanda Avropa Liqasında “Bakı”nın rəqibidi. Xorvatiyanın “İnter Zapreşiç” klubu ilə görüş isə 1:1 hesabıyla bitmişdi.
Yoxlama oyunu
28 iyun
BAKI – SENİCA - 1:1 (0:1)
"Bakı" meydana bu heyətlə çıxıb: 16. Aqil Məmmədov, 4. Edemir Rodriqes, 3. Denis İvanov, 20. Georgi Popxadze, 6. İbrahim Karqbo, 8. Junior, 10. Mario Lukas Horvat, 7. Deyvidas Çesnauski, 11. Elvin Məmmədov, 77. Aleksandr Soliç, 30. Maris Verkapovski.
Oyun başladı
24-cü dəqiqədə slovaklar hesabı açırlar - 0:1
Birinci hissə başa çatdı
İkinci hissə başladı
49. "Bakı" fasilədən dərhal sonra Verpakovskinin qolu ilə hesabı bərabərləşdirir - 1:1
Matç başa çatdı
