28 iyun 2012 00:38
Georgi Nikolov: Qoy güclü qalib gəlsin
“İnter”in prezidenti Georgi Nikolov Azərbaycan Beynəlxalq Bankının 20 iiliyinə həsr olunan beynəlxalq turnir barədə fikirlərini açıqlayıb. Azerisport.az xəbər verir ki, klubun rəsmi saytına müsahibəsində bunları dilə gətirib:
“Öncə Azərbaycan Beynəlxalq Bankını 20 illlik yubileyi münasibətilə təbrik etmək istəyirəm. Banka uğurlu fəaliyyət, cox gəlir və uzunömürlük arzulayıram. Bakı Futbol Federasiyası və Azərbaycan Beynəlxalq Bankı tərəfindən keçirilən turnirə gəldiksə onu demək istəryiəm ki, çox şadam, çünki bu yarış belə beynəlxalq turnirlərin keçirilməsinin müsbət tendensiyasını davam etdirir.
Bilirsiniz ki, bu yaxınlarda belə bir turnir Qəbələdə keçirilmişdi və düşünürəm ki, bu yarışlar digər klub və təşkilatçılar üçün nümunə olacaq və onlar da belə turnirlər təşkil etmək istəyəcək.
Ümumiyyətlə, çox yaxşıdır ki, uşaqlara belə yarışlarda iştirak etmək, xarici rəqiblərlə güclərini sınamaq imkanı verilir. Təəssüf ki, mən hələlik ancaq komandamızın İsveçin “Brommapoykarna” komandasıyla keçirdiyi qarşılaşmanı izləyə bilmişəm. Matç bizim üçün heç də yaxşı nəticə ilə başa çatmadı, ancaq unutmaq lazım deyil ki, isveçlilər kubokun favoritlərindən biridirlər. Etiraf edim ki, Bolqarıstanın “Slaviya” komandasına güclü azarkeşlik edirəm və komandaya yaxşı nəticələr əldə etməyi arzulayıram. Bir də ki, buraya gəlmiş digər klublar da ancaq maksimum nəticəyə ümid edirlər. Buna görə də, demək istəyirəm ki, qoy güclü qalib gəlsin.
Səmimi qəlbdən istərdim ki, bu turnir hər hər il keçirilsin. Məhz belə turnirlər sayəsində daha çox ölkə və komanda Azərbaycanın necə bir ölkə olduğunu tanıyır və onun futbolunun yaxşı templərlə inkişaf etdiyinin şahidi olur”.
