1 iyul 2012 01:45
Qarabağ Türkiyədə ilk məşqə çıxdı (FOTOREPORTAJ)
“Qarabağ” təlim-məşq toplanışına start verib. Azerisport.az xəbər verir ki, ötən gün Bakı–Ankara reysiylə Türkiyəyə yollanan komanda yerli vaxtla 14:30-da təlim-məşq toplanışının ilk mərhələsini keçəcəyi Qızılcahamamdakı “Patalya” otelinə çatıb.
18:00-da isə komanda ilk məşqinə çıxıb. Öncə futbolçularla qısa söhbət edən baş məşqçi Qurban Qurabanov yeni mövsümdə onlara uğur arzulayıb. O, qarşıdan gələn mövsümün ağır kecəcəyini və təlim-məşq toplanışından maksimum yararlanmaq lazım olduğunu bildirib.
Ardınca isə məşq başlayıb. Komandanın yol yorğunu olmasına baxmayaraq, 90 dəqiqə davam edən məşq yüksək tempdə keçib. Öncə fiziki yükləmə alan komanda sonda toplu çalışmalarla məşqi bitirib.
Bu məşqdə “Qarabağ”ın yeni transferi də debüt edib. Xorvatiyalı qapıçı Miro Varvodiç Ankarada komandaya qoşulub və baş tutan ilk çalışmada iştirak edib.
