1 iyul 2012 11:28
“İstənilən halda mərhələ keçməyə borcluyuq”
Azərbaycan çempionu “Neftçi”nin qapıçısı Rauf Mehdiyev komandasının Türkiyədəki ilk toplanışından, Gürcüstan “Zestafoni”si ilə oyunlarından danışıb, klublarımızın avrokuboklardakı şanslarından danışıb.
- Türkiyə toplanışınız necə keçdi?
- Toplanış yüksək səviyyədə keçdi. Yaxşı hazırlaşmaq üçün hər cür şərait vardı. İndi isə artıq Avstriya toplanışına başlamışıq. Burda da üç yoxlama oyunu keçirməyə hazırlaşırıq.
- Toplanış yüksək səviyyədə keçdi. Yaxşı hazırlaşmaq üçün hər cür şərait vardı. İndi isə artıq Avstriya toplanışına başlamışıq. Burda da üç yoxlama oyunu keçirməyə hazırlaşırıq.
- Türkiyədəki ilk sınaq matçınızda Rusiya “Mordoviya”sına 4 cavabsız qolla uduzmağınızı çoxları gözləmirdi...
- Oyundan öncə biz fiziki hazırlığa yönəlmiş iki ağır məşq keçmişdik. Oyunda bu, öz sözünü dedi. Amma buna baxmayaraq, ilk hissədə çox yaxşı oynadıq. Hətta bunu oyundan sonra rəqib komandanın üzvləri də deyirdilər. Fasilədən sonra isə bəzi dəyişikliklər oldu. Nəticədə son 20 dəqiqədə dörd cavabsız qol buraxdıq.
- Ardından İran çempionu “Sepahan”ı məğlub etdiniz...
- O oyuna bir qədər bərpa olunmuşduq. Rəqib güclü idi. Amma kifayət qədər qol epizodu yarada bildik. Düzdü, cəmi bir qol vurduq. Onların da fərqlənmək şansları oldu.
- Çempionlar Liqasındakı rəqibiniz – Gürcüstan “Zestafoni”si haqda nə deyərdiniz?
- Çoxları belə hesab edir ki, bu, adi komandadı və biz onları asanlıqla keçəcəyik. Amma bu, qətiyyən belə deyil. “Zestafoni” heç də sıradan rəqib deyil. Bu komandanı pis tanımadığımı deyə bilərəm. Vaxtilə onlara qarşı oynamışam da. Bilirəm ki, güclü komandadı. İndidən nəsə demək çətindi. Amma istənilən halda qələbə qazanmağa borcluyuq.
- Amma “Zestafoni” nə qədər güclü olsa da, potensial rəqibləriniz arasında ən zəifi idi...
- Prinsipcə, bütün klublarımız keçiləsi rəqiblərlə düşüblər. Ümumiyyətlə, Avropada zəif komanda tapmaq çətindi. İstənilən klub sürprizə imza ata bilər.
- Sizcə, “Bakı”, “Xəzər Lənkəran” və “İnter” mərhələ adlaya biləcək?
- Dediyim kimi, bütün klublarımıza keçiləsi rəqiblər düşüb. Amma istənilən halda bütün təmsilçilərimizə mərhələ keçmək lazımdı. Rəqibdən asılı olmayaraq, mütləq uğur qazanmaq haqda düşünməliyik. Yaxşı hazırlaşsalar, işə ciddi yanaşsalar, mərhələ adlamalarında problem olmayacaq.
- Dediyim kimi, bütün klublarımıza keçiləsi rəqiblər düşüb. Amma istənilən halda bütün təmsilçilərimizə mərhələ keçmək lazımdı. Rəqibdən asılı olmayaraq, mütləq uğur qazanmaq haqda düşünməliyik. Yaxşı hazırlaşsalar, işə ciddi yanaşsalar, mərhələ adlamalarında problem olmayacaq.
