2 iyul 2012 15:32
Azərbaycan Premyer Liqası oyunlarının dəyəri: 600 min AZN
Avqustun 4-5-də futbol üzrə Azərbaycan Premyer Liqasında yeni mövsümün startı veriləcək. Lakin azerisport.az xəbər verir ki, ölkə çempionatının oyunlarının hansı telekanal vasitəsilə yayımlanacağı hələ də bəlli deyil.
Əvəzində turnirin əsas təşkilatçısı – Peşəkar Futbol Liqası bütün oyunları öz rəsmi saytı vasitəsilə yayımlamağa hazırlaşır. Özü də bu ideya oyunların hansısa telekanalda yayımlanıb-yayımlanmamasından asılı olmayaraq, həyata keçiriləcək. Hər halda PFL prezidenti Ramin Musayev belə deyir:
“Çempionat oyunlarının hansısa kanal vasitəsi ilə yayımlanıb-yayımlanmamasından asılı olmayaraq, PFL-in saytında onlayn rejimdə təqdim olunacaq. Biz artıq bunun üçün zəruri avadanlıqları da almışıq”.
“Çempionat oyunlarının hansısa kanal vasitəsi ilə yayımlanıb-yayımlanmamasından asılı olmayaraq, PFL-in saytında onlayn rejimdə təqdim olunacaq. Biz artıq bunun üçün zəruri avadanlıqları da almışıq”.
Premyer Liqanın teleyayımın qiyməti də məlumdu. Belə ki, bunu əldə etmək istəyən hansısa kanalımızın sadəcə 500-600 min AZN xərcə düşməsi yetərlidi. Lakin indiyə qədər adətən klublardan pul almaqla oyun yayımlayan (!) TV-lər indi “ənənə”lərindən üz döndərmək istəmirlər.
