2 iyul 2012 15:52
Novruz Əzimov: Bütün ümidlər Aqil Məmmədovadı
Azərbaycan kubokunun qalibi “Bakı” cəmi 3 gündən sonra Avropa Liqasında ilk oyununa çıxacaq. Azerisport.az xəbər verir ki, “zolaqlılar”ın Avroliqa öncəsi aradan qaldıra bilmədiyi əsas problemlərdən biri qapı xətti ilə bağlıdı.
Danışıqlar apardıqları bir neçə qapıçı ilə anlaşa bilməyən paytaxt klubunun çalışdırıcısı Novruz Əzimov bütün ümidlərini Aqil Məmmədova bağladıqlarını deyir: “Biz Kolumbiya yığmasının qapıçısı ilə danışıqlar aparsaq da, ortaq məxrəcə gələ bilmədik. Hazırda maraqlandığımız daha bir qapıçı var. Amma o, hələ komandanın düşərgəsinə qoşulmayıb. Həm də yeni qapıçının qısa zaman kəsiyində müdafiə xətti ilə ümumi dil tapmasına dair şübhələr də var. Ona görə də bütün ümidlər Aqil Məmmədovadı. Özü də o, hazırda yaxşı formamadadı”.
