2 iyul 2012 16:12
Simurqun düşərgəsində yeni qapıçı
Hazırlıqlarını Türkiyədə davam etdirən “Simurq” baxışa yeni futbolçu dəvət edib. Azerisport.az xəbər verir ki, bu, xorvat qapıçı İvan Radosdu.
28 yaşlı uca boylu əlçək ustası tibbi müayinədən keçdikdən sonra məşqlərə qatılıb. Baş məşqçi Georgi Çixradze onunla bağlı yaxın vaxtlarda qərar verəcək.
Rados 2002-ci ildə başladığı peşəkar karyerası ərzində Xorvatiyanın “Zaqreb” (2002-2004), “Samobor” (2004-2005, 30 oyun), “Moslavina” (2005-2006), “Naftas HASK” (2006-2007, 6 oyun) və “Sesvete” (2007-2009, 34 oyun) çıxış edib. Onun son iş yeri Macarıstanın “Diosqiori” klubu olub. 2009-cu ildən Macarıstanda çıxış edən 28 yaşlı qolkiper 52 oyunda komandanın qapısını qoruyub.
