2 iyul 2012 17:47
Aziz Yıldırım azadlığa buraxıldı
Türkiyədə oyun alqı-satqısı ilə bağlı məhkəmə prosesi yekunlaşıb. Azerisport.az xəbər verir ki, məhkəmə bu gün yekun qərarını açıqlayıb.
“Fenerbahçe”nin prezidenti Aziz Yıldırım qanunsuz qruplaşma qurmaqdan 2 il 6 ay, oyun alqı-satqısı və stimullaşdırmaya görə 3 il 9 ay həbs cəzası alıb. Ümumilikdə 6 il 3 ay həbs cəzası alan Yıldırıb 1 milyon lirə cərimə olunub. “Fenerbahçe” prezidenti cəzasını icbari olaraq çəkəcəyindən azadlığa buraxılıb. Onunla yanaşı Peker, İlhan Ekşioğlu və Yusuf Turanlı da azad olunub.
Qeyd edək ki, Aziz Yıldırım “Fenerbahçe” – “Karabükspor”, “Fenerbahçe” – “Ankaragücü”, “Fenerbahçe” – “Sivasspor”, “Eskişehirspor” – “Trabzonspor”, “Fenerbahçe” – “İstanbul BB” matçlarında oyun alveri və stimullaşdırmaya görə günahkar bilinib.
Məhkəmənin qərarlarına görə cəzalananların tam siyahısı isə belə olub:
Aziz Yıldırım – 6 il 3 ay həbs və 1 milyon lirə cərimə
Şekip Mosturoğlu – 1 il 10 ay həbs
Mecnun Otyakmaz – 1 il 6 ay həbs
Göksel Gümüşdağ – bəraət
Serdal Adalı – 1 il 3 ay həbs
Sadri Şener – bəraət
Nevzat Şakar – bəraət
İbrahim Akın – 1 il 6 ay həbs
Gökçek Vederson – 5 ay həbs
Ali Yıldırım – 1 il 1 ay həbs
Ali Kıratlı – 1 il 1 ay həbs
Serdar Kulbilge – bəraət
Sezer Öztürk – bəraət
Serkan Acar – bəraət
Bülent Uygun – 11 ay həbs
Bülent İşcen – 2 il 4 ay həbs
Mehmet Yıldız – 1 il 3 ay həbs
Sami Dinç – 2 il 2 ay həbs
Tamer Yelkovan – 1 il 3 ay həbs
Tayfur Havutçu – 1 il 3 ay həbs
Ümit Karan – 7 ay həbs
