2 iyul 2012 21:46
Neftçinin rəqibi Steaua ilə qarşılaşacaq
Futbol üzrə UEFA Çempionlar Liqasının ikinci təsnifat mərhələsi çərçivəsində Azərbaycan çempionu “Neftçi”nin rəqibi olan Gürcüstanın “Zestafoni” komandası daha bir yoxlama matçı keçirəcək. Azerisport.az xəbər verir ki, Avstriyada təlim-məşq toplanışında olan gürcülər Rumıniya klubu ilə görüşə hazırlaşırlar.
Belə ki, “Zestafoni” “Steaua” ilə üz-üzə gələcək. Bu oyun iyulun 7-də keçiriləcək.
Qeyd edək ki, “Neftçi”nin rəqibi ölkə xaricindəki toplanış çərçivəsindəki ilk sınaq matçında Rumıniya təmsilçisi “Astra” ilə görüşüb və 0:1 hesabı ilə məğlub olub. Bu gün isə gürcülər Bolqarıstan “Lokomotiv”i (Plovdiv) ilə üz-üzə gələcəklər.
“Neftçi” ilə “Zestafoni” arasındakı ilk oyun iyulun 17-də “Dalğa Arena”da keçiriləcək və yerli vaxtla saat 21:00-da başlayacaq. Cavab görüşü isə bir həftə sonra Zestafonidə baş tutacaq.
