3 iyul 2012 16:18
Premyer Liqanın yayım hüququ PFL-dən alındı
Premyer Liqanın teleyayım hüququ yenidən Peşəkar Futbol Liqasından alınıb. Azerisport.az xəbər verir ki, bu barədə jurnalistlərə AFFA prezidenti Rövnəq Abdullayev məlumat verib.
O, bildirib ki, yayım hüququ PFL-dən alınaraq AFFA-ya verilib. Telekanallar tender üçün AFFA-ya müraciət etməlidi.
Abdullayevin sözlərinə görə, teleyayımdan gələn pul Premyer Liqadakı 12 klub arasında bölünəcək:
“Biz öncə bu hüququ klublara vermişdik. Daha sonra PFL bu işlə məşğul oldu. Artıq klubların teleyayımdan gəlir götürmək zamanıdı. Mən kanalların nə qədər qazandığını yaxşı bilirəm. Ona görə də biz bu addımı atmalı idik”.
