3 iyul 2012 17:06
Rövnəq Abdullayev: Klubların daxili işlərinə qarışa bilmərik
AFFA prezidenti Rövnəq Abdullayev bu gün keçirilən Peşəkar Futbol Liqasına prezident seçkilərindən sonra jurnalistlərlə söhbətində bir sıra məsələlərə münasibətini bildirib. Azerisport.az xəbər verir ki, o, öncə Ramin Musayevin fəaliyyətinə toxunub:
“Biz səsvermə keçirdik və Ramin Musayev yenidən PFL prezidenti seçildi. Deyərdim ki, geridə qalan dörd ildə çempionatımızın və klublarımızın səviyyəsi xeyli artıb. Mən Musayevin fəaliyyətindən razıyam. Əgər onun işindən ciddi narazılıq olsaydı, yəqin ki, indi burda oturmazdı”.
“Biz səsvermə keçirdik və Ramin Musayev yenidən PFL prezidenti seçildi. Deyərdim ki, geridə qalan dörd ildə çempionatımızın və klublarımızın səviyyəsi xeyli artıb. Mən Musayevin fəaliyyətindən razıyam. Əgər onun işindən ciddi narazılıq olsaydı, yəqin ki, indi burda oturmazdı”.
AFFA prezidentinin sözlərinə görə, iclasda hakimlik də müzakirə olunub: “Biz artıq yeni və müasir avadanlıqlar da almışıq. Ümid edirəm ki, bu, hakimlərimizə işlərində daha çox kömək edəcək”.
Klub rəhbərləri ilə görüşdə Azərbaycan çempionatının oyunlarının yayım hüququ ilə bağlı yeni qərar çıxarılıb: “Yayım hüququ AFFA-ya verildi. Amma AFFA özünə bir qəpik də götürməyəcək. Yayımdan gələn gəlir hamısı klublar arasında bölünəcək. Bu qərarı ona görə qəbul etdik ki, kanallarımızın nə qədər qazandığını bilirik. Klublar da teleyayımdan qazanc əldə etməlidilər”.
Rövnəq Abdullayev futbolçularımızın qazancına da toxunub: “Düzdü, bəzi futbolçuların maaşları yüksək ola bilər. Amma bu, klubların daxili işidi. Biz onlar üçün sərhəd qoya bilmərik. Həm də klublarda ağıllı insanlar oturublar və öz pullarını çölə atmamalıdılar”.
