3 iyul 2012 17:25
Tixon Şişov: Xəzər Lənkəranı məğlub edə bilərik
Estoniyanın “Nomme Kalju” klubunun futbolçusu, vaxtilə “Xəzər Lənkəran”ın da şərəfini qorumuş Tixon Şişov komandasının Avropa Liqasındakı şanslarından danışıb. Azerisport.az xəbər verir ki, o, Avroliqanın birinci təsnifat mərhələsində üz-üzə gələcəyi keçmiş komandası ilə görüşlərdən danışarkən, öncə bunları dilə gətirib:
“Mən şadam ki, yenidən Azərbaycana qayıda, lənkəranlılara qarşı oynaya biləcəyəm. Bu, çox güclü komandadı. Böyük ehtimalla yerlə oynayacaqlar. Onlar fiziki cəhətdən də güclüdülər. Sürətli və yaxşı futbol sərgiləyirlər. Baxaq, görək nə olur”.
“Mən şadam ki, yenidən Azərbaycana qayıda, lənkəranlılara qarşı oynaya biləcəyəm. Bu, çox güclü komandadı. Böyük ehtimalla yerlə oynayacaqlar. Onlar fiziki cəhətdən də güclüdülər. Sürətli və yaxşı futbol sərgiləyirlər. Baxaq, görək nə olur”.
Estoniya yığmasının üzvü “Xəzər Lənkəran”dan qalmaqallı gedişinə də toxunub: “Bu qərar rəhbərlik tərəfindən qəbul olundu. Bunun komandaya aidiyyatı yox idi. Amma istənilən halda baş verənlərə görə incikliyim qalıb”.
Şişovun sözlərinə görə, indiki komandası “ağ-yaşıllar”ı mübarizədən kənarlaşdıra biləcək gücdədi: “Biz lənkəranlıları məğlub edə bilərik. Bunun üçün kifayət qədər gücümüz də var. Amma potensialımızı nümayiş etdirə biləcəyimizə zəmanət vermək çətindi. “Xəzər Lənkəran”ın reytinqi daha yüksəkdi, onlar favoritdilər. Amma biz də qələbə qazanmaq üçün əlimizdən gələni edəcəyik. Xüsusilə də ev oyununda”.
Estoniya çempionatının son turunda “Nomme Kalju” “Levadia” ilə sülh bağlayıb – 1:1. Lakin Şişov “Xəzər Lənkəran”ı bu komanda ilə müqayisə etmək istəməyib: “Levadia” ilə “Xəzər Lənkəran” gecə ilə gündüz kimi bir-birindən fərqli klublardı. Lənkəranlıların çox güclü komandası var. Bizə onlarla oyunlarda çox çətin olacaq”.
