3 iyul 2012 20:31
“Neftçi azarkeşləri 15 nömrəli paraqvaylını heç zaman unutmayacaq”
"Neftçi"nin yeni transferi - Paraqvay millisinin futbolçusu Erik Fabian Ramos bu keçidlə bağlı fikirlərini açıqlayıb. Azerisport.az xəbər verir ki, bu gün Avstriyada rəsmi müqaviləyə imza atan paraqvaylı dayaq yarımmüdafiəçisi ilk açıqlamasında bunları dilə gətirib:
"Neftçi" də gördüklərim sözün yaxşı mənasında məni təəccübləndirdi. Çox güclü heyətimiz var. Bu komanda böyük uğurlara imza ata bilər. Mən Paraqvay millisidə də 15 nömrəli formanı geyirəm. Çox sevindim ki, "Neftçi"də bu nömrə boş idi. Əminəm ki, azarkeşlər 15 nömrəli paraqvaylını heç zaman unutmayacaq. Bizi qarşıda Çempionlar Liqasında çətin oyunlar gözləyir. Bu turnir mənim xəyalım olub. İndi isə mən Çempionlar Liqasında oynayacam. Bu şansı mənə "Neftçi" verdi. Əlimdən gələni edəcəyəm ki, komandamız Çempionlar Liqasında uğur əldə etsin”.
