3 iyul 2012 20:40
Sadıq Sadıqov: Ramosla transfer çalışmalarımızı yekunlaşdırırıq
"Neftçi"nin prezidenti Sadıq Sadıqov yeni transferləri - Paraqvay millisinin futbolçusu Erik Fabian Ramosun keçidi ilə bağlı klubun rəsmi internet səhifəsinə açıqlama verib. Azerisport.az xəbər verir ki, o, bunları dilə gətirib:
“Bildiyiniz kimi transfer çalışmalarımız uzun müddətdi ki, davam edirdi. "Neftçi"nin əsas məqsədi heyətə səviyyəli, gənc və öz ölkələrinin milli yığma komandasında çıxış edən legionerlər cəlb etmək idi. Bu, komandamızda yer alan gənc yerli futbolçularımızın da xeyrinədi. Erik Fabian Ramos da məhz bizim istəyimizə uyğun futbolçudu. Bununla da transfer çalışmalarımızı müvəqqəti yekunlaşdırırıq. Ümid edirəm ki, Ramos komandamızın gücünə güc qatacaq və öz oyunu ilə azarkeşlərin də rəğbətini qazanacaq”.
