3 iyul 2012 22:25
Avroliqada mövsüm 6:0-lıq darmadağınla start götürdü, klublarımız gözləyir (YENİLƏNİB)
Bu gün futbol üzrə UEFA Avropa Liqasında birinci təsnifat mərhələsinin oyunlarına start verilib. Azerisport.az xəbər verir ki, Azərbaycan klublarının da mübarizə apardığı turnirin görüşləri əslində iyulun 5-də start götürməli idi.
Lakin bəzi iştirakçılar qarşılıqlı razılıq əsasında öz oyunlarını iki gün öncəyə keçiriblər. Bunlar Farer adaları, Belarus, Makedoniya və Şimali İrlandiya klublarıdı. Onların iştirakı ilə baş tutan ilk görüşlərdən biri darmadağın, digəri qolsuz başa çatıb. Belə ki, "Gomel" səfərdə "Vikingur"u 6 cavabsız qolla məğlub edib. Avroliqanın yeni mövsümünün ilk qolu da bu oyuna təsadüf edib - dubla imza atan Qleb adını tarixə yazdırıb. "Shkendija" - "Portadown" matçında isə tərəflər qapılara qol vura bilməyiblər.
Qeyd edək ki, Avroliqada Azərbaycan üç klubla təmsil olunur – “Bakı”, “Xəzər Lənkəran” və “İnter”. Təmsilçilərimiz mübarizəyə iyulun 5-də qoşulacaqlar.
Birinci təsnifat mərhələsinin cavab oyunları iyulun 12-də keçiriləcək.
Avropa Liqası
1-ci təsnifat mərhələsi (ilk oyunlar)
3 iyul
Vikingur (Farer adaları) – Gomel (Belarus) - 0:6 (0:0)
Qollar: Qleb, 52; 55, Voronkov, 57, Alekseyeviç, 58, Kaşevski, 70, Levitski, 80.
Matçın 10-cu dəqiqəsində meydan sahiblərinin heyətində Vatinhammar penaltini boşa verib
Shkendija (Makedoniya) – Portadown (Şimali İrlandiya) - 0:0 (0:0)
5 iyul
20:00. XƏZƏR LƏNKƏRAN (AZƏRBAYCAN) – Nomme Kalju (Estoniya)
20:30. Renova (Makedoniya) – Libertas (San Marino)
20:30. Rudar (Monteneqro) – Shirak (Ermənistan)
20:30. Jagodina (Serbiya) – Ordabası (Qazaxıstan)
20:30. Trans (Estoniya) - İNTER (AZƏRBAYCAN)
20:30. Kuopio (Finlandiya) – Llanelli (Uels)
20:45. Levadia (Estoniya) - Şiauliai (Litva)
21:00. BAKI (AZƏRBAYCAN) – Mura (Sloveniya)
21:00. Elfsborg (İsveç) – Floriana (Malta)
21:00. Punik (Ermənistan) - Zeta (Monteneqro)
21:00. JJK (Finlandiya) – Stabek (Norveç)
21:30. Differdange (Lüksemburq) – Runavik (Farer adaları)
21:30. Dacia (Moldova) – Celje (Sloveniya)
21:30. Suduva (Litva) – Daugava (Latviya)
22:00. Birkirkara (Malta) – Metallurg (Skopye, Makedoniya)
22:00. Tirana (Albaniya) – Grevenmacher (Lüksemburq)
22:00. Torpedo (Kutaisi, Gürcüstan) – Aktobe (Qazaxıstan)
22:30. Sarajevo (Bosniya və Herseqovina) – Hibernians (Malta)
22:30. FC Santa Coloma (Andorra) – Osijek (Xorvatiya)
22:45. Twente (Hollandiya) – UE Santa Coloma (Andorra)
23:00. MTK (Macarıstan) - Senica (Slovakiya)
23:00. Streymur (Farer adaları) – Gandzasar (Ermənistan)
23:00. Lech (Polşa) – Jetısu (Qazaxıstan)
23:00. Olimpija (Sloveniya) – Jeunesse (Lüksemburq)
23:30. Flamurtari (Albaniya) – Honved (Macarıstan)
23:30. La Fiorita (San Marino) - Metallurg (Lieapaya, Latviya)
23:30. Teuta (Albaniya) – Metallurg (Rustavi, Gürcüstan)
23:30. Cefn Druids (Uels) - MYPA (Finlandiya)
23:45. Cliftonville (Şimali İrlandiya) - Kalmar (İsveç)
23:45. Bohemians (İrlandiya) – Tor Akureyri (İslandiya)
23:45. Sent-Patriks (İrlandiya) – İBV (İslandiya)
23:45. Bangor City (Uels) - Zimbru (Moldova)
00:00. Crusaders (Şimali İrlandiya) - Rosenborg (Norveç)
00:05. Borac (Bosniya və Herseqovina) – Celik (Monteneqro)
00:15. Hafnarfyordur (İslandiya) - Eschen/Mauren (Lixtenşteyn)
