4 iyul 2012 01:58
“Söz verirəm ki, Qarabağ ya Quzanlıda, ya da Bakıda oynayacaq”
Peşəkar Futbol Liqasının köhnə-yeni prezidenti Ramin Musayev qarşıdakı planlarından danışıb. Azerisport.az xəbər verir ki, o, açıqlamasında bunları dilə gətirib:
“Premyer Liqanın qaliblərinin mükafatlandırılması ilə bağlı biz tərəfdən işlər tam hazırdı. Sadəcə, klublar burda olmalıdı ki, onları yığıb tədbirimizi keçirək. Hər halda, bu dəfə ötən ilkindən tez olacaq. Püşkatma isə iyulun sonuna kimi olmalıdı”.
O, daha sonra “Qarabağ”ın stadion probleminə toxunub: “Mən söz verirəm ki, “Qarabağ” növbəti mövsümdə ya Quzanlıda, ya Bakıda oynayacaq. Yəni bir mövsümdə 2 müxtəlif yerdə oynamağı mümkün olmayacaq”.
