4 iyul 2012 15:14
Avrokuboklarda ən çətin rəqib Neftçiyə düşüb
Azerisport.az növbəti sorğusuna yekun vurub. “Sizcə, avrokubokların yeni mövsümündə ən çətin rəqib hansı klubumuza düşüb” sualı ilə müraciət etdiyimiz oxucularımızın yekun rəyi ilə siz də tanış olun.
Beləliklə, sorğuya qatılanların böyük əksəriyyəti belə hesab edir ki, ən çətin rəqib ölkəmizi UEFA Çempionlar Liqasında təmsil edəcək “Neftçi”yə düşüb. Gürcüstan “Zestafoni”sini daha güclü hesab edənlər 57 faiz (536 səs) təşkil ediblər.
Avropa Liqasında çıxış edəcək “Xəzər Lənkəran”ın da rəqibini güclü hesab edənlər çoxdu. Estoniya “Nomme Kalju”sunu çətin rəqib sayanlar 32 faizdi (306 səs).
Respondentlərin 9 faizi (85 səs) “Bakı”ya rəqib olan Sloveniya “Mura”sını o qədər də çətin rəqib saymır. Oxucularımızın yekun rəyi belədi ki, klublarımız arasındakı ən asan rəqib “İnter”ə düşüb. Estoniya “Trans”ı ilə qarşılaşacaq “bankirlər”in rəqibini çətin sayanlar cəmi 2 faiz (20 səs) olub.
