4 iyul 2012 18:39
Yunis Hüseynov: Tarix yazmaq istəyirik
“Xəzər Lənkəran”ın baş məşqçisi Yunis Hüseynov sabah keçiriləcək Avropa Liqası birinci təsnifat mərhələsinin Estoniya “Nomme Kalju”su ilə ilk oyunu öncəsi jurnalistlərin suallarını cavablandırıb. Azerisport.az həmin mətbuat konfransından hazırlanan reportajı təqdim edir.
- Komandanız ilk oyuna nə dərəcədə hazırdı?
- Avstriya toplanışından razı qaldım. Komanda oyuna tam hazırdı. Toplanış zamanı baxışa 10-a yaxın futbolçu çağırmışdıq. Amma onlardan heç birini bəyənmədim. Hələ ki, layiqli hücumçu tapa bilməmişik. Kimi gəldi götürmək istəmirəm.
- “Nomme Kalju” ilə ilk oyundan nə gözləyirsiz?
- Tarix yazmaq istəyirik. Çünki komandamız hələ indiyə qədər avrokuboklarda mərhələ adlaya bilməyib. Biz bu vəzifənin öhdəsindən gəlməliyik. Artıq ilk oyun üçün start heyətini də müəyyənləşdirmişəm. Amma sizə deməyəcəm. Sabah onsuz da biləcəksiz. Bilirsiz ki, heç vaxt müdafiə futbolunu sevməmişəm. Odu ki, sabah komanda hücum futbolu sərgiləyəcək.
- Estoniya klubunu nə dərəcədə yaxşı öyrənə bilmisiz?
- Rəqibin iki oyununu görmüşəm. Normal komandadı. Əks-hücum futbolu oynamağı yaxşı bacarırlar. Amma onların da zəif nöqtələri var. Uşaqlara bu barədə danışmışıq. Lakin onu da deməliyəm ki, bu cütün favoriti yoxdu.
- Rəqibin iki oyununu görmüşəm. Normal komandadı. Əks-hücum futbolu oynamağı yaxşı bacarırlar. Amma onların da zəif nöqtələri var. Uşaqlara bu barədə danışmışıq. Lakin onu da deməliyəm ki, bu cütün favoriti yoxdu.
- Rəqibiniz artıq iki gündü Lənkərandadı və məşqlərini klubunuzun bazasında həyata keçirir. Təsadüfən onların çalışmalarını izləməmisiz?
- İzləmişəm. Amma məşqə görə nəsə demək olmaz. Məşqlərdə yaxşı qışqırırdılar.
- İzləmişəm. Amma məşqə görə nəsə demək olmaz. Məşqlərdə yaxşı qışqırırdılar.
- Siz Azərbaycanın Avropa Liqasında mərhələ adlayan ilk komandasının baş məşqçisi olmusuz. Düzdü, o vaxt bu turnir UEFA kuboku adlanırdı. “Xəzər Lənkəran” isə indiki təmsilçilərimiz arasında mərhələ adlamayan yeganə klubdu. Sizcə, bu, qismətdi?
- Ümid edirəm ki, hə. İlk oyunda rəqib qapısına 3-4 qol vurmağımızı istəyirəm. Amma qapımızın toxunulmazlığını qorumaq şərti ilə.
- Ümid edirəm ki, hə. İlk oyunda rəqib qapısına 3-4 qol vurmağımızı istəyirəm. Amma qapımızın toxunulmazlığını qorumaq şərti ilə.
- Komandanız mərhələ adlamasa, necə olacaq?
- Belə bir şey olmayacaq. Biz növbəti mərhələyə keçəcəyik.
