4 iyul 2012 00:36
Xəzər Lənkərandan 6-cı cəhd, 11-ci oyun
“Xəzər Lənkəran” bu həftə Avropa Liqasında keçirəcəyi oyunlarla 2012/13 mövsümünə start verəcək. Azerisport.az xəbər verir ki, birinci təsnifat mərhələsində Estoniyanın “Nomme Kalju” klubu ilə qarşılaşacaq komandamız tarixində 6-cı dəfə qitə kuboklarına qatılır.
İlk dəfə Estoniya təmsilçisi ilə görüşəcək “Xəzər Lənkəran” 5-ci dəfə Avropa Liqasında mübarizə aparacaq. Bunadək 1 dəfə Çempionlar Liqasına qatılan komanda 4 dəfə Avropa Liqası (əvvəl UEFA kuboku adlanırdı) turnirində çıxış edib.
Əvvəlki 5 cəhddə bu komanda 10 oyun keçirib. 11-ci matçın astanasında olan “ağ-yaşıllar” 4 dəfə heç-heçə edib və 6 dəfə məğlubiyyətlə barışmalı olub. Estoniyalılarla oyuna ilk qələbə üçün çıxacaq komanda indiyədək 7 qol vurub və 18-ni buraxıb.
Öz meydanında 3 heç-heçə və 2 məğlubiyyəti olan “Xəzər Lənkəran” səfərdəki 5 qarşılaşmada 1 dəfə bərabərliyə nail olaraq 4 dəfə yenilib. Ev oyunlarında top fərqi 3:5, səfərdə isə 4:13-dür.
mövsüm tarix turnir Mərhələ Rəqib meydan hesab
2005/06 14.07.2005 UK I təsnifat NİSTRU (Moldova) s 1:3
2005/06 28.07.2005 UK I təsnifat NİSTRU (Moldova) e 1:2
2007/08 17.07.2007 ÇL I təsnifat DİNAMO (Zaqreb) e 1:1
2007/08 24.07.2007 ÇL I təsnifat DİNAMO (Zaqreb) s 1:3, əlavə vaxtda
2008/09 17.07.2008 UK I təsnifat LEX (Polşa) e 0:1
2008/09 31.07.2008 UK I təsnifat LEX (Polşa) s 1:4
2010/11 01.07.2010 AL I təsnifat OLİMPİYA (Moldova) s 0:0
2010/11 08.07.2010 AL I təsnifat OLİMPİYA (Moldova) e 1:1
2011/12 14.07.2011 AL II təsnifat MAKKABİ (Təl-Əviv) s 1:3
2011/12 21.07.2011 AL II təsnifat MAKKABİ (Təl-Əviv) e 0:0
ÇL – Çempionlar Liqası, UK – UEFA kuboku, AL – Avropa Liqası, e – evdə, s- səfərdə
