5 iyul 2012 14:35
Qarabağdan növbəti transfer bombası
“Qarabağ” Qızılcahamamda hazırlıqlarını davam etdirir. Azerisport.az xəbər verir ki, eyni zamanda transfer çalışmalarını da sürdürən komanda daha bir keçidi rəsmiləşdirib.
Belə ki, Ağdam klubu braziliyalı Riçard Almeyda de Oliveyra ilə anlaşıb. Qısaca olaraq, Riçard adlandırılan futbolçu artıq “Qarabağ”ın Qızılcahamamdakı düşərgəsindədi.
Portuqaliya yüksək divizionunda çıxış edən “Jil Visente”nin formasını geyinən Riçard Almeyda de Oliveyra pleymeykerdi. 9-cu yeri tutan komandasında ötən mövsüm 29 oyuna çıxan 23 yaşlı orta sahə oyunçusu solaxaydı. Riçardla tibii müayinədən keçdikdən sonra 3 illik müqavilə imzalanıb.
Qeyd edək ki, 1989-cu ilin 20 martında San Pauloda dünyaya gələn Riçard 2010-cu ildə Braziliyanın “Santo Andre” klubunda 4 oyun keçirib. 2010-cu ildə Portuqaliyanın “Jil Visente” klubuna keçən futbolçu komandanın əsas oyunçusuna çevirilib. Belə ki, o, 2010-2011 və 2011-2012 Portuqaliya klubunda 57 oyun keçirib. bu müddətdə 6 qol vuran Riçard 9 sarı vərəqə alıb.
