5 iyul 2012 00:47
Bakı Avropa Liqası üçün daha bir oyunçu sifariş etdi
Azərbaycan kubokunun qalibi “Bakı” UEFA-ya təqdim etdiyi sifariş ərizəsinə daha bir oyunçunun adını daxil edib. Azerisport.az xəbər verir ki, son ana kimi qapıçı problemini yola qoya bilməyən “zolaqlılar” Avropa Liqasının Sloveniya “Mura”sı ilə ilk oyununa bir gün qalmış bu boşluğu Xalidu Sissoko ilə doldurmaq qərarına gəliblər.
Məlum olduğu kimi, paytaxt klubu reqlamentə əsasən oyundan bir gün öncəyə qədər daha bir oyunçu sifariş edə bilərdi. Hazırda heyətində Aqil Məmmədovdan başqa Avropada çıxış edə biləcək başqa qapıçısı olmayan “Bakı” məcburiyyətdən qapıçılarla işləyən məşqçilik edən Sissokonun xidmətindən yararlanmalı olublar. Hər halda lazım gələcəyi halda, tamamilə təcrübəsiz Elxan Əhmədovla müqayisədə, Sissoko Aqili daha layiqli şəkildə əvəzləyə bilər.
