6 iyul 2012 03:28
Libertadores kubokunun yeni qalibi müəyyənləşdi
Futbol üzrə Libertadores Kubokuna yekun vurulub. Azerisport.az xəbər verir ki, Braziliyanın “Corinthians” klubu tarixində ilk dəfə bu turnirin qalibi olub.
Bu komanda Argentinanın “Boca Juniors” klubunu iki oyunun nəticəsinə görə üstələyib. Buenos-Ayresdə keçirilmiş ilk oyun heç-heçə nəticələnib – 1:1. San-Paoloda baş tutmuş qarşılaşmada isə meydan sahibləri qalib gəlib – 2:0.
Qeyd edək ki, “Corinthians” Libertadores Kubokunda ilk dəfə oynadığı final matçından qalib ayrılmağı bacarıb. “Boca Juniors” isə turnirin həlledici mərhələsində 10-cu dəfə iştirak edib. Argentina komandası bunlardan 6-da qalib ola bilib.
