6 iyul 2012 22:10
Qarabağ Türkiyədəki ilk sınaq matçından qalib ayrıldı
Türkiyədə növbəti mövsümün hazırlıqlarını davam etdirən “Qarabağ” qardaş ölkədəki təlim-məşq toplanışı çərçivəsində ilk sınaq matçını keçirib. Azerisport.az xəbər verir ki, Ağdam klubunun rəqibi İranın “Zobahan” komandası olub.
Baş məşqçi Qurban Qurbanov komandasını meydana aşağıdakı start heyəti ilə çıxarıb: Fərhad Vəliyev, İlqar Qurbanov, Rəşad Sadıqov, Admir Teli, Ansi Aqolli, Namiq Yusifov, Qara Qarayev, Vüqar Nadirov, Elnur Abdulov, Muarem Muarem, Rauf Əliyev.
Qarşılaşma “Qarabağ”ın minimal hesablı qələbəsi ilə başa çatıb. Görüşün gedişatı ilə aşağıda tanış ola bilərsiz:
Yoxlama oyunu
6 iyul
Qarabağ – Zobahan – 1:0
Qol: Əfran İsmayılov, 67-pen.
1. Oyuna “Qarabağ” başladı
İlk dəqiqələr komandamız topa nəzarət edir
3. Ansinin hava ötürməsini qapıçı tuta bildi
6. Oyunda ilk dəfə İran təmsilçisi qapı önünə ilk həmlə etdi
7. Künc zərbəsindən sonra qayıdan topa Rəşadın zərbəsində azacıq dəqiqlik çatmadı
10. “Qarabağ” ötürmələrlə rəqibi yormağa çalışır
10. Muaremin 2 oyunçu arasında fintinin qarşısı kobudluqla alındı
15. Oyuna nəzarət komandamızın tərəfində olsa da, hələ ki qapılar ağzında real qol vəziyyəti yarnmayıb
18. Muaremə qarşı kobud oyun. O, oyunu davam etdirə bilməyəcək
20. Vaqif Cavadov Muaremin yerinə oyuna daxil olur
24. “Qarabağ”ın qapısı ağzında təhlükəli vəziyyət dəqiq olmayan zərbə ilə başa çatdı
26. Raufa qarşı kobudluqdan sonra Vaqifin cərimə zərbəsi müdafiəçilər tərəfindən dəf edildi
32. “Qarabağ” topa nəzarət etsə də, hücumları məntiqi sonluqla başa çatdırmaq hələ ki mümkün olmur
38.- Vaqifin sol cinahda 2 futbolçunu arxada qoyaraq qapı önünə ötürməsini Vüqar zərbə ilə tamamlaya bilmədi
43. “Zobahan”ın hissə ərzində ilk künc zərbəsi
45. İlk yarı qolsuz heç-heçə ilə başa çatdı
İkinci hissəyə “Qarabağ” yeni heyətlə başlayır:
Miro, Eltun, Zaur, Emin İmaməliyev, Maksim, Emin Mustafayev,Tural, Hacı, Əfran, Vaqif, Bəxtiyar.
49. Əfran sağ cinahda rəqib müdafiəçilərinin baş ağrısına çevrilməyə başlayır
53. Əfranın ara ötürməsindən sonra Bəxtiyar qapıçı ilə təkbətək qalsa da, qapıçı səhvsiz oynadı
66. Bəxtiyar cərimə meydançasının daxilində kobudluqla dayandırılır
67. Əfran İsmayılovun dəqiq zərbəsi və “Qarabağ” hesabda önə keçir - 1:0
70. Zaura qarşı kobudluq. Həkimlər meydana daxil olur
73.- Bəxtiyarın daha bir cəhdi nəticə vermir
77. Əfranın cərimə zərbəsi nəticə vermir
81. Vaqifin yerinə Kamil Hüseynov oyuna daxil olur
90. Oyun başa çatdı
