9 iyul 2012 11:24
“Mübarizəyə səfərdə başlaması Zestafoninin əsas üstünlüyüdü”
Gürcüstanın “Zestafoni” klubunun yarımmüdafiəçisi David Muciri müsahibəsində UEFA Çempionlar Liqasının ikinci təsnifat mərhələsi çərçivəsində qarşılaşacaqları “Neftçi” ilə oyunlardan danışıb. Azerisport.az xəbər verir ki, o, öncə komandasının Avstriya toplanışından, eləcə də yoxlama matçlarından söhbət açıb.
- Avstriyada keçirdiyimiz oyunlar komandaya kömək etməlidi. Mən əminəm ki, iyulun 17-də “Zestafoni” pik formada olacaq. İyulun 10-da biz Çexiyanın “Slovan” klubu ilə də qarşılaşacağıq. Bu oyunda qələbə qazanmaq bizim üçün çox vacib əhəmiyyət daşıyır. Çünki bu, “Neftçi” ilə oyuna daha yaxşı əhval-ruhiyyədə köklənməyimizə kömək edəcək.
- Azərbaycanlılar özlərinə kifayət qədər əmindilər və “Zestafoni”ni keçəcəklərini deyirlər. Yaxşı büdcələri də var. Bu barədə nə deyə bilərsiz?
- Biz bu mərhələni keçməyə borcluyuq. Bəli, rəqibimizin varlı büdcəsi var. Amma futbolda pul hər şeyi həll etmir. Bizim əsas üstünlüyümüz mübarizəyə səfərdə başlamağımızdı. Səfərdə yaxşı oyun sərgiləməliyik ki, ümumi uğur haqda düşünə bilək.
- Biz bu mərhələni keçməyə borcluyuq. Bəli, rəqibimizin varlı büdcəsi var. Amma futbolda pul hər şeyi həll etmir. Bizim əsas üstünlüyümüz mübarizəyə səfərdə başlamağımızdı. Səfərdə yaxşı oyun sərgiləməliyik ki, ümumi uğur haqda düşünə bilək.
- “Zestafoni”də çoxlu gənc futbolçu var. Onların komandaya uyğunlaşması necə gedir?
- Çox yaxşı. Onların əksəri ötən mövsüm çempionluq sevinci yaşayıblar. Bu isə gənc futbolçular üçün həmişə önəmlidi.
- Çox yaxşı. Onların əksəri ötən mövsüm çempionluq sevinci yaşayıblar. Bu isə gənc futbolçular üçün həmişə önəmlidi.
- Bakıdakı oyunu idarə edəcək Marius Avram bu yaxınlarda keçirilən U-17-lər Avropa çempionatı çərçivəsində Hollandiya ilə Gürcüstan arasındakı oyunu idarə etmişdi və rəqibin lehinə bir sıra mübahisəli qərarlar vermişdi. Bu, sizi qorxutmur?
- Mən həmin oyuna baxanda hakimliyə görə çox əsəbləşdim. Uzun müddət bunun təsiri altında oldum. Amma Bakıdakı oyun tamamilə fərqli olacaq. Biz buna yeni bir səhifə gözü ilə baxmalıyıq. Hakim haqda düşünmək lazım deyil, qələbə barədə fikirləşmək lazımdı. Əgər sən peşəkarsansa, hakimin personası heç bir əhəmiyyət daşıya bilməz. Bu, lazımsız ajiotajdı.
- “Neftçi” barədə nə deyə bilərsiz?
- Biz onların Buxarest “Dinamo”su ilə oyununun bəzi epizodlarını görmüşük. Kifayət qədər texnikalı, sürətli komandadı. Amma biz bu səddi keçə bilərik.
