9 iyul 2012 22:49
Neftçi Dinamodan 5 top buraxdı (YENİLƏNİB)
UEFA Çempionlar Liqasına hazırlığı davam etdirən "Neftçi" bu gün Avstriya toplanışı çərçivəsində üçüncü sınaq matçına çıxıb. Azerisport.az xəbər verir ki, “ağ-qaralar”ın bu dəfəki rəqibi Ukraynanın məşhur “Dinamo” (Kiyev) klubu idi.
"Neftçi" bu görüşə aşağıdakı heyətlə çıxıb: Emil Balayev, Emin Mehdiyev, Kərim Diniyev, Saşa Yunisoğlu, Tərlan Quliyev, Mirhüseyn Seyidov, Kənan Manafov, Elşən Abdullayev, Araz Abdullayev, Ruslan Qurbanov, İlham Allahverdiyev.
"Dinamo"nun start heyəti isə belə idi: Denis Boyko, Taras Mixalik, Betao, Yevgeni Xaçeridi, Danilo Silva, Oqnen Vukoyeviç, Dudu, Niko Krançar, Lukman Haruna, Andrey Yarmolenko, Braun İdeye.
Qeyd edək ki, “Neftçi” Avstriyadakı hazırlıq prosesi çərçivəsində ilk oyununu Rusiyanın “Kuban” (Krasnodar) komandasına qarşı keçirmiş və 0:2 hesabıyla məğlub olmuşdu. Rumıniyanın məşhur “Dinamo” (Buxarest) klubu ilə görüşdə isə eyni hesabla qalib gəlmişdi. “Ağ-qaralar” Türkiyə toplanışı zamanı isə Rusiyanın “Mordoviya” klubuna 0:4 hesabıyla uduzmuş, İran çempionu “Sepahan”a qalib gəlmişdi – 1:0.
Yoxlama oyunu
9 iyul
DİNAMO (Kiyev) – NEFTÇİ - 5:0 (3:0)
Qollar: Yarmolenko, 11-pen, Haruna, 16, Braun, 40; 59, Kravets, 90.
Oyun başladı
2-ci dəqiqədə "Neftçi"nin yerinə yetirdiyi ilk korner Araz Abdullayevin qeyri-dəqiq zərbəsi ilə başa çatır
Bakılılar hələ ki, ilk dəqiqələrdən pis təsir bağışlamırlar
11-ci dəqiqədə kiyevlilər penaltidən hesabı açırlar - 1:0
16-cı dəqiqədə "Dinamo" "Neftçi"ni ikinci dəfə mərkəzə dəvət edir - 2:0
"Neftçi"nin gəncləri hücum qurmağa çalışırlar
Mehdiyev daha çox fəallıq nümayiş etdirir
"Neftçi" bir qədər sərt oynayır. "Dinamo"nun futbolçusu zədələnir və oyuna davam edə bilmir
Üstünlük "Dinamo"da olsa da, "Neftçi" yaxşı oyun sərgiləyir
40-cı dəqiqədə "Neftçi" üçüncü qolu buraxır - 3:0
Matç güclü yağış altında keçirilir
Görünür məhz bu üzdən hakim ilk yarını tez başa vurur
Birinci hissə başa çatdı
İkinci hissə başladı
"Neftçi"nin hücumda oyunu alınmır
Yağış dayanıb
Qurbanovun zərbəsi hədəfdən yan keçir
59-cu dəqiqədə "Neftçi" 4-cü qolu buraxır - 4:0
Sonuncu dəqiqədə "Neftçi" daha bir qol buraxdı - 5:0
Oyun bitdi
