9 iyul 2012 00:25
Qarabağ Bundesliqadan daha bir oyunçu alır (FOTO)
“Qarabağ” Almaniya Bundesliqasında çıxış edən daha bir futbolçunu heyətinə qata bilər. Azerisport.az xəbər verir ki, Ağdam təmsilçisi “Cologne” klubunun hücumçusu Milivoe Novakoviçin xidmətində maraqlıdı.
Bu barədə məlumatı Almaniya mətbuatı yayıb. Məlumatda bildirilir ki, sloveniyalı hücumçu Köln şəhərinin eyni adlı klubu ilə yollarını ayırmağa hazırdı. Onun tezliklə sabiq komanda yoldaşına – bir müddət öncə “Qarabağ”a transfer olunan qapıçı Miro Varvodiçə qoşulması ehtimalı yüksək qiymətləndirilir.
Qeyd edək ki, 1979-cu ildə anadan olan təcrübəli hücumçu peşəkar karyerasında 2003/04 mövsümündə “Mattersburg”da başlayıb (6 oyun, 2 qol). Növbəti mövsümü LASK-da (21 oyun, 8 qol) keçirən ağdamlıların potensial hücumçu 2005/06-da da “Litex”ə transfer olunub (27 oyun, 19 qol). 2006-cı ildən etibarən “Cologne” klubuna transfer olunan forvard indiyə qədər bu komandada 166 oyuna çıxıb, 74 qola imza atıb.
33 yaşlı futbolçu 2006-cı ildən etibarən çağırıldığı Sloveniya millisində 54 oyun keçirib, 19 qol vurub.
