9 iyul 2012 12:43
Estonlar NK - XL oyunu öncəsi mətbuat konfransları keçirməkdən imtina etdilər
Avropa Liqasının birinci təsnifat mərhələsində Azərbaycan təmsilçisi “Xəzər Lənkəran”ın rəqibi olan Estoniyanın “Nomme Kalju” klubu cavab görüşü ərəfəsində mətbuat konfranslarının təşkilindən imtina edib. Azerisport.az xəbər verir ki, Tallin klubu bu gün mətbuat nümayəndələri üçün hər iki komandanın baş məşqçisinin və hansısa futbolçuların mətbuat konfransını təşkil etməli idi.
Çünki hər belə rəsmi oyundan bir gün öncə meydan sahibi olan klublar sözügedən tədbiri təşkil edir. Lakin Estoniya tərəfi görünür bu ənənəyə sadiq qalmaq istəmirlər.
Qeyd edək ki, “Nomme Kalju” – “Xəzər Lənkəran” görüşü sabah saat 20:45-də Tallində keçiriləcək. Bu komandaların ilk görüşü 2:2 hesabıyla başa çatmışdı.
