10 iyul 2012 15:58
Xəzər Lənkəran rəhbərliyi: bu məsələdə bizim günahımız yoxdu
“Xəzər Lənkəran” rəhbərliyi Avropa Liqasının birinci təsnifat mərhələsinin Estoniya “Nomme Kalju”su ilə cavab oyununa gedərkən Tallin aeroportunda baş verənlərlə bağlı münasibətini açıqlayıb. Azerisport.az xəbər verir ki, viza problemi üzündən içində 5 futbolçunun da olduğu nümayəndə heyətimizin 10 üzvü aeroportda saatlarla gözləmək məcburiyyətində qalmışdı.
Lakin cənub klubunun rəsmiləri bu məsələdə səhvə yol vermədiklərini deyir: “Bu məsələdə bizim klubun səhvi olmayıb. Biz əvvəllər də bu vizanı almışdıq, heç bir problem olmamışdı. Onlar vizanın müddətinin başa çatmasına az qalmasını problemə çevirmişdilər. Halbuki, vizanın müddəti iyulun 14-nə qədər idi. Adətən belə məsələləri tez həll edirlər. Çünki bizim nümayəndə heyətimiz böyük idi. Qəbul edən tərəf də köməyini əsirgəməməliydi. Problemin vaxtında yoluna qoyulmamasına da əsas iş günü olmaması səbəb oldu. Çünki lazım olan adamlar telefonları qaldırmırdılar. Həmin şəxslərlə vaxtında əlaqə yarada bilsəydik, məsələ bu həddə çatmazdı”.
