10 iyul 2012 22:55
Mübariz Mənsimov: Xəzər Lənkərana yeni oyunçular alacağıq
“Xəzər Lənkəran”ın fəxri prezidenti Mübariz Mənsimov Avropa Liqasının birinci təsnifat mərhələsi çərçivəsində keçirilən Estoniya “Nomme Kalju”su ilə cavab görüşünü izləmək üçün Tallinə getmişdi. Azerisport.az saytının müxbiri bu qarşılaşmanın fasiləsində onun bəzi fikirlərini öyrənib.
- “Xəzər Lənkəran” bu rəqibini keçməyə borcludu. Bizimlə onlar arasındakı fərq yerlə göy qədərdi. Onların büdcəsi cəmi 600 min avro təşkil edir.
- “Xəzər Lənkəran”ın avrokuboklardakı hədəfləri nədən ibarətdi?
- Mümkün qədər çox mərhələ keçmək. Əgər növbəti mərhələyə keçsək, bir və ya iki futbolçu alacağıq. Çünki Avropa Liqasında mərhələ adlamaq üçün komandanı gücləndirmək lazımdı.
- Mümkün qədər çox mərhələ keçmək. Əgər növbəti mərhələyə keçsək, bir və ya iki futbolçu alacağıq. Çünki Avropa Liqasında mərhələ adlamaq üçün komandanı gücləndirmək lazımdı.
- Hansı mövqeyə?
- Bizə yaxşı hücumçu lazımdı.
- “Xəzər Lənkəran”ın Avroliqada qrup mərhələsinə düşmək şanslarını necə qiymətləndirirsiz?
- Futbol topu hər tərəfə dönə bilər. Odu ki, hər şey mümkündü.
- Növbəti rəqibiniz böyük ehtimalla Polşa “Lech”i olacaq...
- Bilirsiz ki, onlar artıq bir dəfə bizi mübarizədən kənarlaşdırıblar. Allah eləsin ki, “Xəzər Lənkəran” bu dəfə “Lech”dən qisasını alsın.
- Komandanın Premyer Liqamızdakı hədəfləri nədən ibarət olacaq?
- Bizim Premyer Liqa gündən-günə daha da güclənir, maraqlı olur. Hər mövsüm olduğu kimi, yenə çempionluğa oynayacağıq.
