11 iyul 2012 01:54
ÇL-də ikinci təsnifat mərhələsinin bütün cütləri bəlli oldu
Futbol üzrə UEFA Çempionlar Liqasında 2012-2013 mövsümü 2-ci təsnifat mərhələsinin bütün iştirakçıların adları, eləcə də cütlüklər müəyyənləşib. Azerisport.az xəbər verir ki, qitənin ən nüfuzlu klub turnirinin ilkin təsnifat mərhələsində mübarizə aparan altı klub ötən gecə növbəti mərhələyə üç vəsiqənin taleyinə aydınlıq gətirdilər.
Cırtdan ölkə təmsilçilərinin mübarizəsində iki cütdə növbəti mərhələyə kimin adlayacağı elə ilk görüşlərdən sonra məlum idi. Belə ki, "Dudelange" (Lüksemburq) doğma meydanda keçirilən ilk oyunda "Tre Penne"yə (San Marino) 7, "Valletta" (Malta) isə "Lusitanos"a (Andorra) 8 cavabsız qol vurmuşdu. Favoritlər elə səfər oyunlarında da qələbə qazanan tərəf oldular. İlk oyundan qolsuz ayrılan “Torshavn”la (Farer adaları) “Linfield”in (Şimali İrlandiya) duelində isə qalibi yalnız penaltilər müəyyənləşdirdi və irlandlar mərhələ adlayan tərəf oldular.
Maraq üçün bildirək ki, “Dudelange” ikinci təsnifat mərhələsində “Salzburg”la (Avstriya), “Valletta” Serbiya “Partizan”ıyla, “Linfield” isə AEL (Kipr) ilə qarşılaşacaq.
Azərbaycanı isə ÇL-in yeni mövsümündə ölkə çempionu “Neftçi” təmsil edəcək. “Ağ-qaralar” mübarizəyə ikinci təsnifat mərhələsindən qoşulacaq və Gürcüstan çempionu “Zestafoni” ilə qarşılaşacaq. Həmin görüşlər iyulun 17-də və 24-də keçiriləcək.
Çempionlar Liqası
2-ci təsnifat mərhələsi
17-18/24-25 iyul
Skenderbeu (Albaniya) – Debrecen (Macarıstan)
Maribor (Sloveniya) – Zeljeznicar (Bosniya və Herseqovina)
Zilina (Slovakiya) - İroni Kiryat Shmona (İsrail)
BATE (Belarus) - Vardar (Makedoniya)
AEL Limassol (Kipr) – Linfield (Şimali İrlandiya)
Shamrock Rovers (İrlandiya) – Ekranas (Litva)
Flora (Estoniya) – Basel (İsveçrə)
The New Saints (Uels) - Helsingborg (İsveç)
HJK (Finlandiya) - Reykjavik (İslandiya)
Molde (Norveç) – Ventspils (Latviya)
Dudelange (Lüksemburq) - Red Bull Salzburg (Avstriya)
Slovan (Çexiya) - Şaxtyor (Karaqandi, Qazaxıstan)
Ludogorets (Bolqarıstan) - Dinamo (Zaqreb, Xorvatiya)
NEFTÇİ (AZƏRBAYCAN) – Zestafoni (Gürcüstan)
Ulisses (Ermənistan) – Şerif (Moldova)
Valletta (Malta) – Partizan (Serbiya)
Buducnost (Monteneqro) – Slask (Polşa)
