11 iyul 2012 11:24
Kamran Ağayev İngiltərə klubu ilə danışıqlar aparmaq üçün Londona getdi
Futbol üzrə Azərbaycan yığmasının və “Xəzər Lənkəran”ın qapıçısı Kamran Ağayev İngiltərə Premyer Liqasında çıxış edən klublardan birinə keçməyə yaxındı. Azerisport.az xəbər verir ki, 26 yaşlı futbolçu artıq bu məqsədlə Londona yola düşüb.
Onun paytaxt klublarından biri ilə danışıqlar stolu arxasına oturacağı bildirilir. Böyük ehtimalla isə bu, “Tottenham” klubudu. Çünki məhz bu komandanın Ağayevlə maraqlandığına dair xəbərlər hələ uzun müddət idi səslənməkdə idi.
Qeyd edək ki, “Tottenham” ilə yanaşı hazırda Premyer Liqada daha beş klub çıxış edir. Bunlar “Arsenal”, “Chelsea”, “Fulham”, QPR və “West Ham”di. Bu klublar arasında qapıçı cəhətdən müəyyən çətinlikləri olan isə məhz “Tottenham” klubudu. Kamran bu komandaya keçsə, İngiltərə işçi vizası açmasında da problem yaranmayacaq. Çünki millidə mütəmadi çıxışı ilə seçilir. Hansı ki, oxşar problemlər səbəbindən “Neftçi”nin yarımmüdafiəçisi Araz Abdullayev “Everton”da top qovmaqdan məhrumdu.
Maraq üçün xatırladaq ki, Kamranla vaxtilə Almaniyanın “Cologne” klubu da maraqlanırdı. Amma kölnlülərin bu marağı transferin rəsmiləşməsiylə nəticələnməmişdi.
Yeri gəlmişkən, Ağayevin İngiltərə klubuna keçməsi reallaşsa, “Xəzər Lənkəran”a Avropa Liqasının növbəti mərhələ oyunlarında kömək edə bilməyəcək. İngiltərə klubunun skautları onun birinci təsnifat mərhələsində Estoniya “Nomme Kalju”su ilə oyunlarını da izləyiblər.
Yeri gəlmişkən, Ağayevin İngiltərə klubuna keçməsi reallaşsa, “Xəzər Lənkəran”a Avropa Liqasının növbəti mərhələ oyunlarında kömək edə bilməyəcək. İngiltərə klubunun skautları onun birinci təsnifat mərhələsində Estoniya “Nomme Kalju”su ilə oyunlarını da izləyiblər.
Sonda bildirək ki, Kamran karyerasına “Şəfa”da başlayıb. Ordan “Turan”a keçən Ağayev 2006-cı ildən “Xəzər Lənkəran”ın uğurları üçün çalışır. O, artıq bu komandada 136 oyun keçirib. Eyni zamanda millimizin əsas qapıçısıdı.
