12 iyul 2012 20:08
“Rəqib sərt oyun təklif etdi”
Bu gün Qəbələ şəhərində 17 yaşadək qızlardan ibarət Azərbaycan və Bolqarıstan yığma komandaları arasında keçirilmiş yoldaşlıq oyunundan sonra yığmamızın baş məşqçisi Sissi Rayt matçla bağlı fikirlərini bildirib. Azerisport.az xəbər verir ki, o, 4:2 hesablı qələbəyə sevindiyimiz görüşlə bağlı bunları dilə gətirib:
“Qarşılaşmanın əvvəlində rəqib sərt oyun təklif etdi. Biz də müəyyən qədər rəqibin bu oyun tərzinə uyğun şəkildə oynadıq. Son 10 dəqiqəni yüksək səviyyədə keçirdiyimizi düşünürəm. Təbii ki, müəyyən çatışmazlıqlar var idi. Bununla belə, 4 qol vuraraq qələbə qazandığımız üçün çox sevinirəm”.
