12 iyul 2012 12:35
Aleksandr Şoliç: Muraya qol vurmaq istəyirəm
“Bakı”nın yarımmüdafiəçisi Aleksandr Şoliç Avropa Liqasının birinci təsnifat mərhələsinin Sloveniya “Mura”sı ilə cavab oyunu öncəsi fikirlərini açıqlayıb. Azerisport.az saytına müsahibəsində o, Lendavada keçiriləcək həlledici oyunla bağlı bunları dilə gətirib:
“Fikrimcə, biz “Mura”nı keçəcəyik. Ən azı ona görə ki, başqa çıxış yolumuz yoxdu. Ümid edirəm ki, oyun vaxtı yağış yağmaz və meydança yaxşı vəziyyətdə olar. Bir həftə əvvəlki ilə müqayisədə indi daha yaxşı hazıram. Bakıdakı birinci oyuna komanda bütövlükdə yaxşı hazırlaşa bilməmişdi. Amma bir həftə ərzində çox şey dəyişib. Mən hələ ilk oyunda qol vurmaq istəyirdim. Ancaq buna nail ola bilmədim. İndi bunu cavab matçında həyata keçirmək istəyirəm”.
