13 iyul 2012 14:54
Hakimlərimiz Avroliqa oyununu idarə etdilər
Azərbaycanlı ədalət təmsilçiləri Avropa Liqasının oyununu idarə edib. Azerisport.az xəbər verir ki, Vüsal Əliyevin başçılıq etdiyi briqada “Honved” (Macarıstan) – “Flamurtari” (Albaniya) oyununda ədaləti qoruyub.
Oyun macarların 2:0 hesablı qələbəsi ilə yekunlaşıb. Hesabı 45-ci dəqiqədə Riçard Verneş açıb. 57-ci dəqiqədə isə Erve Çami fərqlənib. İlk oyunda 1:0 hesablı qələbə qazanan “Honved” mərhələ keçib.
Vüsal Əliyev oyunda 3 sarı vərəqə göstərib. 65-ci dəqiqədə “Flamurtari”nin kapitanı Niyaz Lenanı cəzalandıran referi bir dəqiqə sonra ilk qolun müəllifi Riçard Verneşə sarı vərəqə göstərib. O, 90+3-cü dəqiqədə də Gergey Delçeqə sarı vərəqə verib.
Qeyd edək ki, bu oyunda Vüsal Əliyevə Mübariz Həşimovla Yaşar Abbasov yardım edib. Matçın dördüncü hakimi isə Elçin Məmmədov olub.
