14 iyul 2012 17:09
İnterin rəqibi Manchester City və Tottenham klublarında çıxış etmiş oyunçu ilə gücləndi
“İnter”in Avropa Liqasının ikinci təsnifat mərhələsindəki rəqibi “Asteras” heyətini gücləndirib. Azerisport.az klubun rəsmi saytına istinadən xəbər verir ki, Tripolis təmsilçisi macar qapıçı Marton Fülöpü transfer edib.
Fülöpün karyerası kifayət qədər zəngindi. Belə ki, o, 2004-2012-ci illərdə İngiltərə klublarında çıxış edib. Bu müddətdə macar qapıçı “Tottenham”, “Manchester City”, “Chesterfield”, “Coventry”, “Sanderland”, “Leichester City”, “Stoke City”, “İpsvich” və “West Bromvich”in formasını geyinib.
Macarıstan millisinin heyətində 24 oyuna çıxan Fülöp “Asteras”a keçidi barədə bunları deyib: “Bu komandaya transfer olduğum üçün çox şadam. Öz oyunumdan razıyam və düşünürəm ki, yaxşı qapıçıyam. İnanıram ki, necə qapıçı olduğumu azarkeşlərə nümayiş etdirə biləcəyəm. Buna görə də azarkeşləri stadionlara dəvət edir və bizi dəstəkləməyə çağırıram. Yeni komandamın Avropa Liqasında daha uzağa getməsini və Super Liqada liderlər sırasında qərarlaşmağını arzulayıram”.
