15 iyul 2012 01:24
Rusiya superkubokun qalibi bəlli oldu
Futbol üzrə Rusiya superkubokunun yeni qalibi müəyyənləşib. Azerisport.az xəbər verir ki, həlledici oyunda son Rusiya çempionu “Zenit”lə ölkə kubokunun qalibi “Rubin” üz-üzə gəlib.
Qarşılaşmanın taleyi elə ilk hissədə həll olunub. Salvatore Bokketti ilə Vladimir Dyudyunun vurduğu qollar Tatarstan təmsilçisinə qələbə qazandırıb.
Qeyd edək ki, bu, “Rubin”in qazandığı ikinci Rusiya superkubokudu. Komanda ilk dəfə bu uğuruna 2010-cu ildə Moskva CSKA-sı üzərində minimal hesablı qələbə sayəsində nail olmuşdu.
