15 iyul 2012 12:00
Neftçi Çempionlar Liqası üçün iştirak ərizəsini açıqladı
Azərbaycan çempionu “Neftçi” Çempionlar Liqası üçün iştirak ərizəsini UEFA-ya təqdim edib. Azerisport.az xəbər verir ki, komandamız qitənin ən nüfuzlu klub turnirinə 23 futbolçu ilə gedir.
Belə ki, Böyükağa Hacıyev heyətə 3 qapıçı, 7 müdafiəçi, 8 yarımmüdafiəçi, 5 hücumçu daxil edib.
Qeyd edək ki, “Neftçi” ilə “Zestafoni” arasındakı ilk oyun iyulun 17-də Bakıda keçiriləcək. “Dalğa Arena”da baş tutacaq qarşılaşma saat 21:00-da başlayacaq. Cavab görüşü isə bir həftə sonra Zestafonidə keçiriləcək.
Qapıçılar: Rauf Mehdiyev, Saşa Stamenkoviç, Emil Balayev;
Müdafiəçilər: Rail Məlikov, Saşa Yunisoğlu, Tərlan Quliyev, İqor Mitreski, Bruno Bertuççi, Kərim Diniyev, Elvin Yunuszadə;
Yarımmüdafiəçilər: Rəşad Sadiqov, Rodriqinyo, Flavinyo, Julius Vobay, Erik Ramos, Araz Abdullayev, Mirhüseyn Seyidov, Cavid İmamverdiyev;
Hücumçular: Elşən Abdullayev, Nikolas Kanales, Bahodir Nasimov, Emin Mehdiyev, İlham Allahverdiyev.
