16 iyul 2012 13:58
Yaponiyanın səfiri Xəzər Lənkəranın qonağı oldu
Yaponiyanın Azərbaycandakı fövqəladə və salahiyyətli səfiri Şusuke Vatanabe və Lənkəran şəhər İcra Hakimiyyətinin başçısı Taleh Qaraşov bu gün Lənkəran şəhər Mərkəzi Stadionunda olublar. Azerisport.az xəbər verir ki, mötəbər qonaqlar stadionun infrastrukturu ilə yaxından maraqlanıb, arenanın müxtəlif sahələri ilə ətraflı tanış olublar.
Qonaqların gəlişi ilə bağlı təşkil olunan tədbirdə “Xəzər Lənkəran”dan klubun direktoru Höccət Hacıyev iştirak edib. Direktor “Xəzər Lənkəran” barədə ətraflı məlumatlandırmaqla klubun ölkə futbolunun inkişafına verdiyi təkan, klub işinə gətirdiyi çoxlu yeniliklər barədə söhbət açıb.
Sonda qonaqların şərəfinə çay süfrəsi təşkil edilib və onlara “Xəzər Lənkəran”ın müxtəlif atributikası xatirə hədiyyəsi olaraq təqdim olunub.
