16 iyul 2012 15:45
Rusiya millisinin yeni baş məşqçisi açıqlandı
Futbol üzrə Rusiya milli komandasının yeni baş məşqçisi açıqlanıb. Azerisport.az xəbər verir ki, bu barədə müvəqqəti olaraq Rusiya Futbol İttifaqının prezidenti səlahiyyətlərini həyata keçirən Nikita Simonyan məlumat verib.
O, komandanın sükanı arxasına italiyalı mütəxəssis Fabio Kapellonun keçəcəyini təsdiqləyib. Simonyanın sözlərinə görə, Kapello Rusiya millisinə başçılıq etməyə razılaşıb. Onunla 2 illik müqavilənin imzalanacağı bildirilir. 66 yaşlı mütəxəssisin qazancı barədə isə dəqiq məlumat verilməyib.
Qeyd edək ki, Rusiya yığması 2014-cü il dünya çempionatının seçmə mərhələsində Azərbaycan millisi ilə eyni qrupda yer alıb.
