16 iyul 2012 11:29
Tales Şütz: Asteras zəif komanda olsaydı, belə bir uğura imza ata bilməzdi
“İnter”in hücumçusu Tales Şütz Avropa Liqasının ikinci təsnifat mərhələsində qarşılaşacaqları Yunanıstan “Asteras”ı ilə qarşılaşmalardakı şanslarını dəyərləndirib. Azerisprot.az saytına müsahibəsində o, öncə bunları dilə gətirib:
“Vaxtilə mən Yunanıstanda da çıxış etmişəm. 2004-cü ildə “Akratitos”da forma geydiyim üçün, rəqibimizi bir az tanıyıram. Əlbəttə, o dövrlə müqayisədə bu komandada xeyli dəyişikliklər baş verib. Heç inanmıram ki, həmin dövrdəki heyətdən indi kimsə qala”.
“Vaxtilə mən Yunanıstanda da çıxış etmişəm. 2004-cü ildə “Akratitos”da forma geydiyim üçün, rəqibimizi bir az tanıyıram. Əlbəttə, o dövrlə müqayisədə bu komandada xeyli dəyişikliklər baş verib. Heç inanmıram ki, həmin dövrdəki heyətdən indi kimsə qala”.
Şützün sözlərinə görə, onun komandasını kifayət qədər çətin sınaq gözləyir: “Bir şeyi deyə bilərəm: bu, çox möhkəm komandadı. Onların Yunanıstan Superliqasında son mövsümü altıncı pillədə başa vurmaları da bundan xəbər verir. Əks halda “Asteras” belə bir uğura imza ata bilməzdi.
Lakin “bankirlər”in braziliyalı-alman-polşalı hücumçusu komandasının şanslarının yüksək olduğunu düşünür: “Fikrimcə, rəqibin durumundan asılı olmayaraq, biz özümüzü doğrultmalıyıq. Təsnifat mərhələsinin oyunları elədi ki, gərək bunların hər birinə final qarşılaşması kimi yanaşasan. Bir qol hər şeyi dəyişə bilir. Ona görə də biz meydana ancaq qələbə qazanmaq üçün çıxacağıq”.
AZAL-ın sabiq forvardı Estoniya “Trans”ı üzərində qələbələrindən də danışıb: “Deməzdim ki, “Trans”la oyunlarımız asan keçdi. Rəqib bütün komanda ilə müdafiə olunurdu. Belə rəqibə qarşı futbol oynamaq isə çox çətin olur. Məhz buna görə onlara Bakıda cəmi iki qol vura bildik. Amma Estoniyada onlar belə oynamamışdılar. Hücuma daha çox diqqət göstərdikləri üçün arxa xətdə boşluqlar yaranırdı və bundan istifadə edib beş qol vurmuşduq”.
Şütz “Trans”la oyunları “Asteras”la qarşılaşma öncəsi yaxşı yoxlama matçı hesab etdiyini də gizlətmir: “İlk oyunda demək olar ki, hər şeyə aydınlıq gəlmişdi. Ona görə də Bakıdakı qarşılaşma bir növ sınaq xarakteri daşıyırdı. Bu oyunda biz daha çox topla oynamağa, müxtəlif mövqelərdən qol vurmağa çalışırdıq”.
