17 iyul 2012 14:44
Gürcülər Neftçi - Zestafoni matçının hakim təyinatından da narazıdı
Gürcüstan futbol ictimaiyyəti UEFA Çempionlar Liqasının birinci təsnifat mərhələsi çərçivəsində keçiriləcək “Neftçi” ilə “Zestafoni” arasındakı ilk oyunun hakim təyinatından narazıdı. Azerisport.az xəbər verir ki, bunu Gürcüstan mətbuatının yazdıqlarından da aşkar sezmək mümkündü.
Qeyd edək ki, bu gün Bakıdakı “Dalğa Arena”da keçiriləcək qarşılaşmanı rumıniyalı hakimlər briqadası idarə edəcək. Marius Avramın rəhbərlik edəcəyi hakimlər briqadasından narazılıq isə səbəbsiz deyil. Belə ki, məhz bu hakim bir müddət öncə 19 yaşlı futbolçulardan ibarət yığmalar arasındakı keçirilən Avropa çempionatının Gürcüstan – Hollandiya matçını idarə edib. Avramın həmin qarşılaşmadakı idarəçiliyi məğlub olan gürcüləri çox narazı salıb. İndi onun yenidən bu ölkənin təmsilçisinin oyununa təyinat almasına qəzəblənənlər kifayət qədər çoxdular.
“Neftçi” – “Zestafoni” görüşü saat 21:00-da başlayacaq.
